مكتبة كلمات أغاني الفنان الأستاذ / عثمان حسين

مسامحك يا حبيبي
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا

تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..


ريدتنا و محبتنا



ريدتنا ومحبّتنا

وليالي هنانا
إن شاء الله ندوم
نتهنّى .. نتهنّى
ونعيش في صفانا

******


يا نعيم الروح سالمني

الشوق والريد كلّمني
عن أحلامنا
عن آمالنا
عن المستقبل القدّامنا
نبينهو ونحميهو
من حسّادنا
من عزّالنا

*******


أفراحنا تهلّ في ربوعنا

أحبابنا يضوّوا شموعنا
في دنيانا
ما أحلانا
أرواحنا الهيمانة
تتلاقى مشتاقة
لي غرامنا
وهنا أيّامنا

*******


يا حبيب يلاّك في طريقنا

زادنا الريد ورفيقنا
نمشي برانا
ما همّـــــانا
كل الحبّ الضمّـــانا
هادينا وحادينا
في رحلتنا
لآمالنا

*******