منتديات عمــا د تـيراب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


Emad Terab Forums
 
الرئيسيةاليوميةس .و .جبحـثالأعضاءالمجموعاتالتسجيلدخولتسجيل دخول الاعضاء

شاطر | 
 

 ديوان الشاعر عمر البشير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
obaitote
نائب المدير
نائب المدير
avatar

رقم العضوية : 13
عدد المساهمات : 33
نقاط : 1662
تاريخ التسجيل : 13/05/2011
العمر : 23
الموقع : الخرطوم

مُساهمةموضوع: ديوان الشاعر عمر البشير   أغسطس 2nd 2011, 4:48 am

فتاة الجزيره


قول لي قول بالله قول
انت نور ولا زهور
جمالك أسباب محنتي
العفيف
الجنس اللطيف
عيونك الناعسه
خدودك الساحره
خود قلبي معاك
باروحي دمي فداك
سكنت في الجزيره شمال
ياروحي أرجوك الوصال
تعال لي هنا
وزيل لي الهم والضنا
مناي كل المني
نتقابل أنت وانا
تزيدي لي فرحتي
وتبدلي أساي بالهناء
حبيبه أنا برجاك
ومامعقول أنساك
هواي مع هواك
ومابعيش لولاك

كلمات / عمر البشير

البعاد

متين أراك ياحبيبي
جالس براك
اسمع غناك ياحبيبي
واطرب معاك
البعد قساك ياحبيبي
والدلال نساك ياحبيبي
قلبي المعاك ياحبيبي
أسير هواك
سيب الدلال ياحبيب
بعادك طال
أرحم وصال ياحبيب
قلبي بهواك
برجاك برجاك حافظ هواك
مافيش براك حسنك قساك
جمالك فتان باحبيب
وطرفك نعسان
داير لقاك ياحبيبي
أنت الملاك
مناي القاك ياحبيب
وابسم معاك
أكسب رضاك ياحبيب
وأمس يداك

كلمات / عمر البشير
تؤمتي

حلوه وأنا بريده
ومن قلبي ساكت بريده
ياشمعه وناير خديده
حبيبه فريده ياربي زيده
رايقه وحنينه وتفرح القلوب الحزينه
مشيته زينه ونور خديده يخفي الرتينه
تومتي حلاتها المسخت البنات صفاته
أنا بحلف بحياتها حوريه بزاته
يوم تجيني وترقص في السباته
سعادتي تمت ويحرقوا الشماته
السرور تمه وفرحانات أخواته
وحبيبتي جالسه ياحلاته


كلمات / عمر البشير












اشياق

انت نائم وأنا هائم قلبي المجروح

مشتاق يشوفك ياحبيب الروح

جمالك فاتن وفي قلبي سكن

انت كل محاسن عطرك يفوح ويرد الروح

من فراق حبيبي انا زاد لهيبي

اسرع تعال لي ياطبيب قبل الروح تروح

وين ألقاك وأجلس معاك

اسعد بهواك وانسي الم الجروح

حبك أذيني وفي قلبي كاويني

إنت ياحبيبي ناسيني وانا زاد علي السهاد والنوح

ياحبيبي واعدني وبنظره أسعدني

وانت ليه باعدني

وانا الزبت يك الفؤاد والروح



كلمات / عمر البشير
























الصيد الجافل

يوم مشيت للصيد الجافل
لقيت حبيبي غافل والله غافل
كلامه غنوه وابتسامته حلوه
وبيه الشباب حافل
بذوقه رايق وللعشاق مافايق
احترت معاه وجماله هائل
خدود نايره وعيونه سود وساحره
والشعر ليل وسابل والله سابل
حبيبي ساده وانا عابده عباده
وما عارف البي حاصل
حبيبي ليه ماتقابل وتحاول مره تجامل
كده حاول بالله حاول


كلمات / عمر البشير




















وصيه

ياماشي القضارف تعال نوصيك
لي حبيبي البي حبي عارف تعال نوصيك
أمشي بالشارع القدام بتلقي شبه الحمام
أهديه مني سلام وجيب لي منو أحلي كلام
أنظر كامل الجمال حاجبه كالهلال
شعره السابل حلال قول ليه كيف الحال
قول ليه شوقي طال ودمعي كاب هطال
لوما الزمن بطال أنا حبي ليه حلال
أمشي بي حي روينه بتلقي الشابه الرزينه
سمحة شبه الرتينه وعايمه كالوزينه
قول الصبر طيب مشتاق ليك حبيب
في الزمن القريب تجمعنا ياشيخ الطيب




كلمات / عمر البشير















غزال الدناقله

رايق بغني عليه باسم طبعه هادي
قلبي ولهان بيه لي في الدناقله غزال
عقلي انشغل بيه بادلني العواطف الظاهرة في عينه
سحرتني البسمة الباينه في شفتيه
مابقدر أسيبه وقلبي بين أيديه
يانديمي اسمع وصفي فيه
لوشافته القمره تنزل وتسجد ليه
فرع ألبان بحاكيه المضمر أنا بغير عليه
لوجاك ماشي مابتقدر تعاين ليه
ذي الغصن لادن الهواء بلوليه
مهما أقول مايجيد القول فيه
لوجات نساء الدنيا مابتساويه
أنا قلبي العزاب عانيه وبسعد بحنه وبفخر بيه
بدمي العزيز بفدية وما بعيش لوماالاقيه
لي في الدناقلة غزال
كلمات / عمر البشير









كلمات

انتو ليه جافيتوني
ونسيتو حبي وجننتوني
كم مره اوعدتوني
وليه ماقابلتوني
حرام عليكم تخلفوني
اهديتكم قلبي وعيوني
ياريتكم تحنو تجوني
حرام عليكم تألموني
أنا زاد شوقي وحنيني
ومستني طيفكم يوم يجيني
حرام عليكم صدقوني
ياناس بنظره أوعدوني
وبسمه أفرحوني
حرام عليكم تحرموني
رضيتو الجفا وابعدتوني
بالله ايه حصل أفتوني
حرام عليكم كلموني
كلمات / عمر البشير
أملي

ياحبيبي ليه تزعل وانت أملي الاول
زعلك علي حرام وليه تحرمني من ثغرك البسام
والله من زعلك أنا شفت ألام
دايرك تكون باسم وماتزعل وتخاصم
أنا بحبك وبحلف بيك قاسم
حبيبي سيب الخصام وانت عارف الذل حرام
ياروحي تعال في سكون الليل نقول كلام
خليني انظر جمال خديك وامنحني نظره من عينيك
ومنك كلمه حلوه تنسيني الالام
حبيبي تعال بين الزهور نعيد الغرام ونغني ونقول أنغام
عادت السعـــــــــــــــــــــــــــــــــاده وراح الخصــــــــــــــــــــــــــــــــــــام
كلمات / عمر البشير













واجب الشباب

هيا ياخوان هيا ياشبان
لقطوا القطن البيه رفعت السودان
شبابنا اسمر جميل مابنرضا ليه بديل
لرفعت بلاده بيعمل نهار وليل
بعمل في سبيل الأوطان معانا ليلي وإحسان
نجمع خير بلادنا ومابنرضا الذل والهوان
لقطوا البلغه ألامعه وما تخلوا ألواقعه
والليلة الحواشه أصبحت فاقعة
لقطوه بالحته وما تخلوه انفته
رحلوه للتقه وما تتركوه في الواطه
أكبسوه في الشوال وما تخلوه للعلال
ووجب علي المزارع ترحيله في الحال
قطن المناقل والجزيرة ابيض طويل التيلة
لونه لامع وثيابه حلوه جميله
رحلوه للفبارك وخلو العامل يشارك
أجتهد في الحليج واسهروا وارواك
إيد في إيد مافي شك بتجدع بعيد
ونحن أحرار في بلادنا ليست بالعبيد
كلمات / عمر البشير





نعم الاخ
نعم الاخ أنت أنت ياأخي عمر
عرفت الماضي بما فيه واتيت لنا بجليل الخير
عشت في زمان سابق زمانك وسايرت هذا الدهر
كنت حكيم الماضي كله وفيلسوف لهذا العصر
اتيت قبل زمانك لتعلمنا الحكمه والعبر
وتضرب الامثال لنا في كرم وفهم وسمر
تفكيرك عظيم جليل وعقلك لايساويه عقل في الكبر
لمست الكرم الضيافي فيك ومن زوجك ولم أجده في الاولي والاخر
بحثت ولم أجد لكم مثيلا فقد ساميتم القمر
رأيناك تنفق مالك في كرم فقال البخيل ما لهذا لايدخر
فقلت له ان المال غاد وراح ويبقي لي منه هذا ذخر
فنعم هذا الغرس أنت تغرسه ونعم ما تجنيه من ثمر
غرسته في الحياة الدنيا وتجنيه في اليوم الآخر
هذا هو الذي نتركه فيا لعظيم ماتترك من الآثر
سيذكرونك بالكرم الضيافي فيا له من حسن الذكر
وحديثكم عذب جميل يجلب الفرحة ويزيل الكدر
فيا لحسن حظ ضيفكم يجد الطلاقه والبشاشه والبشرة

كلمات / عبد الرحمن البشير







أم سنط العريقه

هيا ياشباب لنظافة قريتكم اتلمو
مانتدسو داخل البيوت تتلمو
أخرجوا للشوارع وبالعمل أهتمو
موضوعنا هام وكل زول بإهمو
الليله عجبتونا ياشباب قريتنا
نظفتو البلد وزلتوا محنتنا
رفعتوا راسنا وشاعت سمعتنا
ومن اليوم بقت زعيمة القري قريتنا
يامرض شوف ليك بلد فيه غزاره
نحن بلدنا رمليه مظلله بأشجارها
والمسؤولين منها قلوبن فيها حراره
ودايماً مهتمين وعيونهم عليها سهاره
كلمات / عمر البشير












قدوم الخير

أهلاً بوالي الجزيرة كريم والتقيلا بسيله
كل مشكله بمشيلا والحل عنده وتصبح عديله
شرفت قرينتا النبيله أصبحت أمنه والبحر مابشيله
قررته تعمير المدارس وتعديله وللمستشفي والمعدات وتكميله
المويه والكهرباء الجميله والشارع وماخليت للحساد حيله
تمت زيارتك بي تهليله يإبن الكرام والعفه الماقي مثيله
خلاص شيلناك الحماله وأنت قادر وجمل شيله
مشاكلنا إنتهت في يوم وليله وتمت فرحتنا ياود المثل الاصيله
نشكر فيك العفه والعداله وطيب العشره والاصل المافيهو دخيله
بختك ياأم سنط أرض الرمال الزينه هبت عليك رياح الخير وشالت كل رذيله
كلمات / عمر البشير














صفات أبي

ابوي عزيز علي وبفخر بيه
ياهلي واحبابي
تعالو اسمعوا وصفي فيه
الاول كريم وحقه ماببخل بيه
والثاني عفيف حق الناس مابدنيه
فارش لضيوفه طول النهار والوقت حاضر بصليه
يمن مابنوم وضيف الهجوع بعشيه
مواصل للاهل الكبير والصغير ماناسيه
حافظ حق الجار وفرشه للعشمان بديه
ابوي حافظ القران ومجوده وقاريه
وكتاب العلم جالس وبشر فيه
ومن قام صغير طايع والديه
والبمرض بفرشه ليه ويغطيه
واجب البيت والزوجة والاولاد تمام قائم بيه
وماسمعته قال لامي حقي بزرتيه
ربانا تربية صحيحه وكل واحد بطريق الاسلام ممشيه
ومهما نعمل ليه مابنقدر نجازيه
أسال الله مع الصديقين والشهداء يساويه
وايضاً المصطفي أول شفيع ليه
كلمات / عمر البشير




أمي يا أمي

أنت فرج همي وحبك جاري في دمي
من صغير شايله همي وبترضعيني وما بترضي البألمني
أمي يا احنا انسانه حنينه وطيبه مع جيرانه
طبعها لين معاهم ومافي زولاً شانه
كريمه وكرمها متدفق وحالتها تشفق
تعمل كل ماعنها بإبتسامه وسخيه ورضيه وما بتلفق
حافظه حقوق أبوي وبكل صبر واقفه ليه
وان أمرها بشي حالاً بفرحه تسويه
معلمة أولادها الذوق والعفة أصول الأدب
وبتعاقب الواحد فيهم لو غشي أو كذب
بتصلي بحشمه في البيت وما بتسمع ليها تصويت
وشقوفه علي جيرانه وبتفقدهم ساعة المبيت
ربي يغفر ليها ويرحمها ويجعل قبرها روضه في الجنان
ويسكنها في علين وتكون في الزفه في الحسان
كلمات / عمر البشير










الحجيج

متين ياعاشق نقوم سوا نزور نبينا ويتم المنا
نعبي زادنا بسرور وهناء ونقوم ونودع أهلنا
القطر قوم إستعجل بنا لنبينا أحسن من المال والجنا
وصلنا سندبا وزال همنا زادت فرحتنا والخير عمنا
لاشاعرين بتعب ولاعناء راح همنا والكريم هونلنا
ناوين الحجه وفاض بالنا نساء ورجال سايرين علي مهلنا
وصلنا مكه والمطوف رحبنا سار أمامنا لدار تخصصت لنا
جلسنا مستبشرين والراحة وجبت هنا صلينا علي البيت وشفناه بأعيننا
لابسين إشارات الرضا إزارنا طفنا بالبيت والحجر قبلنا
في اللتزم وقفنا دعينا لكل أهلنا والموصينا
في مقام ابراهيم صلينا وإسماعيل من الذبح فادينا
ومن زمزم شربنا رويناوبين الصاء والمروة سعينا
مشينا مني وفيها صلينا وشربنا القهوه واتهنينا
ومن هنك شدينا رحالنا ولعرفات تمينا شعس وغبر مشينا
كلمات / عمر البشير










عيب شبابي

عيب شبابي المخدم ما حجه زار طه وعزم
بسم الله إبتديت بخالق الكون من عدم
خالق العظام كاسيها لحم
ماليها بالروح ماليها بالدم
وبادي خلقه من أدم
ثنيت بالرسول سيد العرب والعجم
النبي يوم وضوعه نوره الكون عم
جانا بدين الحق وزال الشوم وللشرك هدم
النبي كريم ابن كرم حاشاه للامة ما ظلم
مسه شفي المريض بعد الالم
النبي نور محياه فاق بدر التم
أنا أتحكرت وفوقه جريت النم
ده خير العباد الما قراءه ولا مسك قلم
مدينة العلوم وفير الفهم
وبعده ما سائل في زول ولا عندي هم
ديل صحابتو ظاهرين كالعلم
نصروا الدين بالروح والدم
مابعرفوا الكسل مابعرفوا الندم
بجيدوا ركوب الخيل والضرب بالسيف والسهم
صلاه وتسليم عليك يا النبي الختم
صاحب المعجزات منها الضب تكلم
عدد ماصب مطر في السماء وارزم
تنجينا من أهوال الدنيا ومن كل سقم
من أبن البشير في حبك متيم
منو اقبلها ودي أخير من العدم
نور بيها قبره من كل الظلم
ناجيت الوالدين والاهل وفيك العشم
دايرين شفاعتك والفوز يوم اللم
ادخلوا الجنه من غير حساب ولاهم
لابسين سندس وستبرق وفرحين نتلم



كلمات / عمر البشير

_________________
ألــــــــــــوم صديقـــــي وهـــــــــذا محــــــــــــال
صديقــــــــي أحبــــــــــــه كـــــــــلام يقـــــــــــال
وهـــــــــــذا كــــــــــــــلام بليــــــــــغ الجمــــــال
محـــــــــــــال يــــــــــــقال الجمـــــــال خيـــــــال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
emadadam
المدير العام
المدير العام
avatar

الاوسمة مدير
رقم العضوية : 1
عدد المساهمات : 121
نقاط : 44070
تاريخ التسجيل : 25/11/2010

مُساهمةموضوع: رد: ديوان الشاعر عمر البشير   سبتمبر 28th 2011, 3:52 am

شعرممتاز جدا والتحية لشاعرنا عمر البشير
ومشكورررررررررررررر يا obai

_________________
عش كل لحظة كأنها آخر لحظة في حياتك
عش بالإيمان ، عش بالأمل
عش بالحب ، عش بالكفاح
وقدر قيمة الحياة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://emadterab.mam9.com
هديل عمر
المشرفة العامة
المشرفة العامة
avatar

رقم العضوية : 21
عدد المساهمات : 24
نقاط : 52
تاريخ التسجيل : 09/06/2011
العمر : 21
الموقع : امدرمان

مُساهمةموضوع: رد: ديوان الشاعر عمر البشير   سبتمبر 28th 2011, 9:30 am

مشكورررررررررررررررررر

_________________
انا اتظلمت ذمان كتير وماناوية تاني انظلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
obaitote
نائب المدير
نائب المدير
avatar

رقم العضوية : 13
عدد المساهمات : 33
نقاط : 1662
تاريخ التسجيل : 13/05/2011
العمر : 23
الموقع : الخرطوم

مُساهمةموضوع: رد: ديوان الشاعر عمر البشير   سبتمبر 30th 2011, 8:01 am

تسلمو يا شباب والجاي احلي ان شاء الله

_________________
ألــــــــــــوم صديقـــــي وهـــــــــذا محــــــــــــال
صديقــــــــي أحبــــــــــــه كـــــــــلام يقـــــــــــال
وهـــــــــــذا كــــــــــــــلام بليــــــــــغ الجمــــــال
محـــــــــــــال يــــــــــــقال الجمـــــــال خيـــــــال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ديوان الشاعر عمر البشير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عمــا د تـيراب :: اقسام عمــــاد تيـــراب :: قسم كلمات الاغاني-
انتقل الى: